Отворен повик | Summer School as a School 2017

Отворен повик и презентација | Summer School as School Stacion организирано од Stacion center for contemporary art  од Приштина | Музеј на современа уметност - Скопје |  11-ти април, 2017

Презентација и повик за пријава: Летната школа како школа: искуство на интердисциплинарна образовна програма во Приштина (Косово).
 
Проектниот простор Прес ту егзит со задоволство информира дека Stacion - Центарот за современа уметност од Приштина го објави отворениот повик за учество на летната школа Summer School as a School (SSAS) за 2017 година.
 
Summer School as a School (SSAS) е уметничка и образовна платформа иницирана и имплементирана од Stacion - Центарот за современа уметност во Приштина во соработка со партнери од Љубљана, Њујорк, Белград, Виена, Осло, Скопје и Сараево.
 
Програмата на школата ќе се одржува во периодот од 10-ти до 24-ти јули, 2017 година.   
Крајниот рок за пријавување на истата е 30 април 2017. 
Резултатите ќе бидат објавени најдоцна од 5-ти мај, 2017 година.
 
Организаторот Stacion - Центарот за современа уметност, во соработка со Проектниот простор Прес ту егзит од Скопје како партнерска организација од основањето на проектот, овозможува финансирање на учество на школата за неколку македонски кандидати.
 
Оттука, ги повикуваме заинтересираните студенти и публика да присуствуваат на презентација на проектот на 11-ти април (вторник) во Музејот на Современа уметност во Скопје со почеток во 15.00 часот каде иницијаторот и организаторот на проектот Алберт Хета ќе го претстави проектот на летната школа, овогодинешната програма и можностите за учество и соработка.  При претставувањето ќе бидат вклучени и Јане Чаловски, основач на партнерската организација Проектен простор Прес ту Егзит, Бујар Хоџа, професор и предавач на школата во 2016. и Наташа Неделкова, минатогодишен учесник во школата која ќе го сподели своето искуство од присуство на истата.
 
 
прочитај повеќе

Студено од Балканот

Надворешни активности | Христина Иваноска и Јане Чаловски | Изложба Студено од Балканот | Курирана од Alenka Gegorič и Ali Akay | Pera Museum, Истанбул, 9-ти ноември, 2016
 
На 9-ти ноември во Пера музејот во Истанбул, ќе биде отворена изложбата Cold Front from the Balkans каде ќе бидат претставени и уметниците Јане Чаловски и Христина Иваноска. По повеќе од десет години, изложбата Cold Front from the Balkans е уште еден обид да се направи преглед на уметноста од Балканот. Насловот на изложбата потекнува од една изрека која некогаш била користена за да се предвиди доаѓањето на зимата во Истанбул од студените ветрови од балканските планини како предвесник на доаѓањето на новата сезона. Исто така, насловот упатува и на турбулентните политички и социјални настани во Балканскиот Полуостров, што доведе до големи историски и политички промени, вклучувајќи ги и војните, а изреката стана фраза најава за (социјални) промени. Куратори на изложбата, која ќе биде отворена на 9-ти ноември во Пера Музејот се Alenka Gegorič, уметнички директор и кустос во Уметничката галерија на Љубљана и Tobačna 001 CC и Ali Akay, кој е куратор и академик.
прочитај повеќе

Отворено предавање и разговор со Елке Красни: “Involved: Urban Curatorial Practice”

Отворено предавање и разговор со Елке Красни: “Involved: Urban Curatorial Practice” | 5ти Интернационален симпозиум КУРАТОРСКИ РАЗМЕНИ | Институционалното како јавно | организиран од Проектен простор Прес ту егзит | 30 септември и 1 октомври, 2016, Клуб ГЕМ и Социјален центар Дуња, Скопје, 19.00 - 21.00 

„Што значи да се биде инволвиран? Наспроти позадината на историите и теориите за урбаните интервенции, привремено експерименталната архитектура, социјално ангажирани уметнички практики, како и критички просторни практики, Елке Красни дава вовед во концептот за инволвираност. Урбаното курирање е нужно инволвирано. Инволвирањето значи и споделување и вплеткување. Кои се импликациите и компликациите од ваквото споделување и вплеткување, односто инволвираност? Урбаното курирање е инволвирано во материјалните, социјалните, културните, политичките и економските урбани состојби. Урбаното курирање е дел од динамиката на урбана трансформација. Затоа, урбаното курирање е вмешано во, и воедно искомплицирано од состојбите во реалниот свет, во услови на глобализиран неолиберализам, постколонијализам, меѓународна миграција, нееднаков развој, и урбани кризи. Инволвираната практика, оттука, условува критичко истражување, материјалистичка анализа, трансверзална соработка. Инволвираната практика се базира врз повеќе различни распределени урбани сознанија, во мноштво. Предавањето се базира врз примери од нејзините кураторски практики, како Mapping the Everyday.Neighbourhood Claims for the Future и Hands-On Urbanism. The Right to Green.“ 

прочитај повеќе

Раскажувајќи го Скопје. Скопје 2014: Хегемониски и спекулативни наративи

Аудио тура: „Раскажувајќи го Скопје. Скопје 2014: Хегемониски и спекулативни наративи“, уметнички дел од докторска дисертација на Ивана Сиџимовска | 5ти Интернационален симпозиум КУРАТОРСКИ РАЗМЕНИ | Институционалното како јавно | организиран од Проектен простор Прес ту егзит | 30 септември, 2016, плато пред Музеј на град Скопје

Уметничкиот дел од докторското истражување на Сиџимовска е поврзан со неолиберални симболични урбани реконструкции, со фокус на преобразбата на градот Скопје односно ефектите на урбаното обновување врз јавниот простор. Создадена на основ на граѓаните и нивните субјективни приказни, замислени ситуации и искуства на урбаното, кои ги споделиле при прошетка со авторката, се создава шпекулативен наратив на градот, во кој се проектираат идеи за повторна проценка, преформулирање и поинакво толкување на реконструкцијата. Во комбинација со повеќе сонични опсервации, снимани на бинаурален начин, оригиналните интервјуа со граѓаните се процесираат, преведуваат и развиваат во форма на интерактивна сонична прошетка. 

Бројот на присутни на турата е ограничен, а заинтересираните за настанот своето присуство во еден од посочените термини ќе можат да го потврдат на: Оваа е-адреса е заштитена од спамботови. Треба да ви е овозможено JavaScript за да ја видите.

прочитај повеќе