Изложба | Еј, што имаме да изгубиме? Уметничкиот процес помеѓу активизмот и архивирањето | организирана од Проектен простор Прес ту егзит како дел од европскиот проект Колективен домен на културната меморија (CDCM) | јуни, 2020 година

Изложбата „Еј, што имаме да изгубиме? Уметничкиот процес помеѓу активизмот и архивирањето“ е финална програмска компонента на годишната курирана програма „(Не)дисциплинирано: Градење на архив“, продуцирана од Проектниот простор Прес ту Егзит во контекст на интернационалниот проект „Взаемно поле на културната меморија“ поддржан од програмата на Креативна Европа: Европска година на културно наследство 2018.

Публикација | Persistent Traces from Heritage to Come | како дел од европскиот проект Колективен домен на културната меморија (CDCM) | Publikuvano од Suns&Stars, Амстердам, Холандија | 20 мај, 2020 година

Публикувањето на книгата „Persistent Traces from Heritage to Come“ пред самиот крај на проектот Колективен домен на културната меморија (CDCM) не е заклучок. Наместо тоа, тоа е траекторија, дендритска трага низ уметничките практики и методи кои беа вклучени во процесот на нејзино настанување.

Публикацијата ги претставува нерешените идеи и истражувања на основачите и кураторите на Проектен простор Прес ту Егзит: Јане Чаловски, Loose Associations: Наташа Бодрозиќ и Suns & Stars: Марјока де Гриф и Анастасија Пандиловска, кои се појавија во процесот на настанување на проектот Колективен домен на културната меморија.

Активност | Јане Чаловски и Христина Иваноска | Онлајн симпозиум преку Во паузата на гестот може да има ехо, организиран од Suns&Stars, Амстердам| во рамки на Европскиот проект Колективен домен на културната меморија (CDCM) | 1-3 мај, 2020 година

Тридневниот симпозиум Во пауза на гестот може да има ехо, кој се одржа од 1 мај до 3 мај 2020 година, ги истражуваше уметничките врски со наследството во европски контекст преку жива размена од сите видови на мислења, согледувања и искуства. Главната карактеристика на симпозиумот беше меѓусебно поврзување и соработка: „да дозволиме различни практики од културниот домен да најдат допирни точки и да се придвижат вон сопствените полиња на интереси“.