Отворен повик | летна школа Summer School as School | Stacion - Центарот за современа уметност, Приштина | 3 - 18 јули, 2016.

Проектниот простор Прес ту егзит со задоволство информира дека Stacion - Центарот за современа уметност од Приштина го објави отворениот повик за учество на летната школа Summer School as a School (SSAS) за 2016 година.

Summer School as a School (SSAS) е уметничка и образовна платформа иницирана и имплементирана од Stacion - Центарот за современа уметност во Приштина во соработка со The Academy for Visual Arts (AVA), Љубљана,  Independent Curators International (ICI) Њу Јорк, Проектен простоp Прес ту Егзит од Скопје , и ArsAevi, Сараево.

Организаторот  Stacion - Центарот за современа уметност овозможува финансирање на учество на школата за двајца македонски кандидати.

Програмата на школата ќе се одржува во периодот од 3-ти до 18-ти јули, 2016 година. Крајниот рок за пријавување на истата е 19 јуни 2016. 

Сите заинтересирани за учество на школата потребно е да испратат апликација на следниов линк:

http://stacion.org/SSAS/

Надворешни активности | Between the Incredible and the Credible | разговор со Јане Чаловски за Contemporary LYNX Magasine | 23.05.2016

Between the Incredible and Credible – интервју на Helena Postawka – Lech за уметничката практика на Јане Чаловски за Contemporary Lynx Magazine.

http://contemporarylynx.co.uk/between-the-incredible-and-the-credible-a-talk-with-yane-calovski

Резиденциски престој | во организација на  < rotor > center for contemporary art Graz и Проектен простор Прес ту егзит | уметник: Велимир Жерновски | април, 2016

Проектниот простор Прес ту егзит со задоволство објавува дека уметникот Велимир Жерновски, во текот на месец април 2016 година, остварува резиденциски престој во Грац, Австрија, како дел од програмата на проектот WEST BALKAN CALLING. Резиденцискиот престој на Жерновски е во организација на < rotor >, асоцијација за современа уметност од Грац, во соработка со Проектниот простор Прес ту Егзит. 

Проектниот простор Прес ту егзит за овој резиденциски престој предложи десет македонски уметници од помладата генерација, од кои, по одлука на меѓународно жири, беше поканет Велимир Жерновски. Возвратно, кон крајот на месец август Проектниот простор Прес ту егзит ќе го очекува пристигнувањето на австрискиот уметник Wolfgang Obermair на едномесечен резиденциски престој во Скопје.

Надворешни активности | Христина Иваноска и Јане Чаловски | изложба „Сираци на културата, легенди и херои – втор дел“ | ЖАК|БРАНИЦКА галерија, Берлин | 16 јануари – 23 април, 2016 

На 15-ти јануари се отвори втората по ред изложба во галеријата ЖАК|БРАНИЦКА во Берлин на уметниците Христина Иваноска и Јане Чаловски која е насловена „Сираци на културата, легенди и херои - втор дел“. Изложбата е продолжување на нивните континуирани интереси за начините на кои модерната ги обликува нашите културни и политички читање на сегашноста (кои уметниците ги истражуваа и во изложбата „Сираци на културата, легенди и херои“ поставена во 2007 година во галеријата „Кроника“, чиј куратор беше Себастијан Цихочки). Неразделната врска на вербата и метафизиката, присутна во нивните претходни заеднички дела „Ние сите сме сами во ова“ (56. Биенале на Венеција, 2015) и „Неизговорено“ (Малме музеј за уметност, 2015), е карактеристична и за нивната најнова соработка насловена „Целост“ (2015). Ова дело составена од 11 панели од цртежи на рачно изработена ленена ткаенина, се базира на концептуалното текстуално дело на Ед Рајнхард и графичкиот дизајн на Бриџит Рајли објавени во 1966 година во 18-тиот број на списанието Poor.Old.Tired.Horse, списание за конкретна поезија, чиј уредник е Јан Хамилтон Финли.